THIUPHADUs

THIUPHADUs

post Duces, Comites et Gardingos, praecipua in aula Gothicorum olim Regum dignitas fuit, cui suberant Millenarii, Quingentenarii, Centenarii, Decani; Exercitus etiam Compulsores, Annonarii, Defensores, Pacis Asserrores, Numerarii, Villici, et Saiones. Habebat is civilem administrationem, et in omni criminalium negotiorum genere iudicandi fatultatem, exceptis iis criminibus, quae Legum sententia aperte condemnaret, quibus proin obstrictos non iudicare amplius, sed ut iam a lege iudicatos, condemnatosque debitis poenis subicere tenebatur. Quod si ad bellum, aliove avocaretur, vices suas aliis committere poterat. In bellum porro provinciales suos educebat, uti Ballivi ac Senescalli apud Francos olim, et ad hostem exire compellebat Regios subditps, qui ex sua Thiuphadia, h. e. provincia seu districtu erant etc. uti docet Car du Fresne, ex L. Wisigoch. l. 24. et 9. Diploma quoque hanc in rem cirans Ervigii Regis, post Concil. Tolet. XIII. Origo nominis forte a Germanic. Tief, i. e. profundus; erat enim haec dignitas ex inferioribus prima.